Oljufýring orsøk til eldsbruna

Oljufýringin var orsøkin til eldsbrunan í Nólsoy mánadagin 19. oktober. Brandteknikarar hjá politinum kunnu í øllum førum ikki útiloka, at oljufýringin var orsøkin.

Og tað er eisini tað, sum maðurin, sum búði í húsinum, hevur sagt. Hann sigur, at hann hoyrdi okkurt við oljufýringina, tá eldurin kyknaði.

Húsini kolaðust upp. Einki bendir á, at eldurin er ásettur.