Landsstýrismaðurin skal áseta fiskidagar

04.11.2020 - 14:43
AktueltPolitikkur
Landsstýrismaðurin skal áseta fiskidagar
Skipanin um eyka fiskidagar fyri livur, sum verður avreidd, verður víðkað til eisini at fevna um annan innvøl
Nú fær landsstýrismaðurin sjálvur heimild til at áseta fiskidagar
 

Landsstýrismaðurin í fiskivinnumálum skal nú fáa heimild at áseta fiskidagar í kunngerð. Higartil hevur skipanin verið tann, at løgtingið hevur samtykt fiskidagarnar, sum síðani eru ásettir í lógini.

Jacob Vestergaard, landsstýrismaður, hevur lagt fram uppskot um broytingar í sjófeingislógini. 

Skipanin um at flyta óbrúktar fiskidagar til fiskiárið eftir, heldur fram, men í framtíðini verður tað landsstýrismaðurin, sum setur skipanina í verk við kunngerð.

Livur og annar innvølur

Skipanin við livradøgum, har fiskifør fáa eyka fiskidagar, um tey avreiða livur, heldur fram, og hon verður víðkað til eisini at fevna um annan innvøl.

Og skotið verður upp at broyta skipanina fyri útróðrarbátar undir 15 tons, soleiðis at opnir, føroyskt bygdir bátar, verða tiknir úr fiskidagaskipanini og skipaðir í ein nýggjan bólk fyri seg. 

Gildistíðin á veiðirættindum verður longd eitt ár, frá 1. januar 2021.

 

Er kopiera
Nýggjastu sendingar í ÚV
Nýggjastu sendingar í SV
Hósdag 26. januar
Foytar greyðir 1
151528
Týsdag 24. januar
Vísindavøka 2022
151430
Mánadag 23. januar
Møti úr Meinigheitshúsinum
151337
Sunnudag 22. januar
Hvør veit?
151287
Sunnudag 22. januar
Andakt við Tummas Jacobsen
151286