Ógreitt um føroyskar prædikur skulu umsetast

Ikki er vist enn, um prædikur á føroyskum í Danmark skulu umsetast til danskt.

Uppskotið um lógina er ikki gjørt enn. 

Men við í fyrireikingunum er, at málini í ríkisfelagskapinum hava serliga støðu.

Tað sigur Joy Mogensen, kirkjumálaráðharri, í svari til Sjúrð Skaale, fólkatingsmann.

Vilja vita, hvat verður sagt

Danska stjórnin fyrireikar eitt lógaruppskot um, at allar prædikur, sum verða hildnar í Danmark, skulu umsetast til danskt.

Um hetta eisini er galdandi fyri prædikur á føroyskum, er ikki avgjørt enn, svarar ráðharrin. 

Endamálið við lógaruppskotinum er at vita, hvat sagt verður í prædikum, tá prædikað verður á øðrum málum enn donskum.