Fleiri koppingarevni tøk fyrst í nýggja árinum

bannari
12.11.2020 - 13:50
AktueltHeilsa
Fleiri koppingarevni tøk fyrst í nýggja árinum
Nú eru 10 sløg av koppingarevni fyri koronu komin so mikið langt, at kanningar verða gjørdar á triðja stigi
Heilivágsfyritøkan Pfizer er um at vera liðug at menna koppingarevni fyri koronu
 

Líkt er til, at fyrst í 2021 vera fleiri koppingarevni fyri koronu tøk á marknaðinum. Og tað fer at hava við sær, at nógv fólk kunnu koppsetast.

Mánadagin boðaðu fyritøkurnar, Pfizer og BioNTech frá, at teirra royndir eru um at vera lidnar, og at royndirnar higartil eru góðar.

Granskarar fegnast

Granskarar kring heimin fegnast um boðini, ein av teimum er heilivágsgranskarin, Tor Kristian Andersen, á universitetinum í Oslo.

Hann vísir á, at fleiri onnur feløg eisini eru komin langt við at menna koppingarevni, og koma tí helst á marknaðin við sínum heilivági um somu tíð sum Pfizer.

Pfizer hevur boðað frá, at fyritøkan seinast í hesum mánaðinum fer at biðja um góðkenning frá amerikansku heilumyndugleikunum. Og samstundis eru feløgini farin undir fyrireikingar at fáa heilivág góðkendan í Evropa.

10 sløg

New York Times skrivar, at nú eru 10 sløg av koppingarevni fyri koronu komin so mikið langt, at kanningar verða gjørdar á triðja stigi.

Tá kanningarnar hjá sjálvum fyritøkunum eru av, skulu myndugleikarnir í londunum kanna úrslitið, áðrenn loyvi verður givið at selja koppingarevnið.

Tí verður roknað við, at koppingarevni fyri koronu verður tøkt í Evropa um mánaðarskiftið januar/februar.

Í Evropa verður mest tosað um koppingarevnið frá fyritøkuni, Astra Zeneca, og ábendingar eru um, at tað koppingarevnið verður tøkur um somu tíð sum koppingaervnið frá Pfizer, skrivar NRK.

 
Nýggjastu sendingar í ÚV
Týsdag 24. november
Breddin
116725
Týsdag 24. november
Nón 23. november 2020
116704
Týsdag 24. november
Morgunlesturin týsmorgunin 24. november 2020
116529
Nýggjastu sendingar í SV
Týsdag 24. november
Atlantshavið 3:3 - Úr Himni í helheim
116727
Mánadag 23. november
3-2
116682
Sunnudag 22. november
Andakt við Sonju I. Jacobsen
116610
Sunnudag 22. november
Fótbóltur: NSÍ - KÍ
116620
Sunnudag 22. november
Møti úr Leirvíkar Missiónshúsi
116617