Grava út fyri fyrstu lutaíbúðunum í Vági

Gongd er komin á útgrevsturin í fyrsta byggistigi í Mýrunum í Vági, har seks lutaíbúðir verða bygdar.

Tað skrivar Vágs kommuna á heimasíðuni.

Vágs kommuna, Bústaðir, Betri Banki og Norcon samstarva um byggingina.

Tvær støddir

Íbúðirnar eru 80 og 90 fermetrar, og hava ávikavist tvey og trý kømur. Innskotið er 310.000 kr. fyri 80 fermetrar og 350.000 kr. fyri 90 fermetrar.

Húsaleigan, sum eisini fevnir um streym og hita, viðlíkahald, trygging og annað, er 5.400 og 6.100 kr. um mánaðin, alt eftir støddini á íbúðini.

Ætlanin er, at seinna byggistigið verður á Stórheyggi. Tað byrjar eftir ársskiftið, um áhugi er fyri tí.
 

Lutaíbúðir í Vági, Vágur

Soleiðis fara lutaíbúðirnar at síggja út, tá tær eru lidnar