Juan Carlos rindar fimm milliónir

Fyrrverandi spanski kongurin, Juan Carlos, hevur gjørt semju um, at hann skal rinda 678.000 evrur, tað svarar til umleið fimm milliónir krónur, í einum máli um svik og skattasvik.

Juan Carlos segði trónuna frá sær, tá hann var 76 ára gamal, og sonurin, Felipe, tók við sum kongur.

Í august avgjørdi Juan Carlos at flyta úr Spania eftir stórt trýst á kongin, sum einaferð hevði stóra virðing hjá spaniólum.

Fyrrverandi kongurin hevur fingið pening undir borðið, eftir at ein spanskur handilsfelagsskapur í 2008 fekk arbeiðið at gera eina jarnbreytarskipan til  snartok úr Medina til Mekka í Saudiarabia.

Spanski hægstirættur hevur givið boð um, at alt málið skal kannast.