Grøna orkan helvtina minni

El-framleiðslan hjá SEV úr vatni var helvtina minni í januar í ár enn januar í fjør. 
Orsøkin er liggjandi kavin og áhaldandi frostið, sigur Heri Mortensen, framleiðslustjóri í SEV. 

Januar í ár hevur verið serliga kaldur - tann kaldasti januar síðani 1994, sambært Hanusi Kjølbro, veðurserfrøðingi.
Og tað merkir SEV væl, sigur Heri Mortensen, framleiðslustjóri í SEV. 

Í januar í ár framleiddi SEV 9,5 gigawatt-tímar úr vatni, meðan í januar í fjør var el-framleiðslan úr vatni 18,3 Gigawatttímar. 
Í januar í ár framleiddi SEV hinvegin 32 GWT úr tungolju.