Metgott ár hjá SMS

Harvið gjørdist 2020 besta árið hjá SMS-samtakinum í nýggjari tíð. SMS-samtakið hevði 20 milliónir í avlopi í 2019, 14 milliónir í avlopi í 2018 og 12 milliónir í avlopi, bæði í 2017 og 2016.

Í fjør var umsetningurin heili 575 milliónir krónur - smáar 70 milliónir krónur meira enn árið fyri. Niels Mortensen og reiðaríið Enniberg eiga SMS-samtakið.

Sambært tíðindaskrivi frá SMS-samtakinum var partur av úrslitinum í fjør sonevndar óvanligar inntøkur, sum stava frá sølu av partabrøvum í øðrum fyritøkum.

Umleið 700 fólk eru á lønarlistanum hjá SMS-samtakinum, svarandi til 270 ársverk. Høvuðsvirksemi er Miklagarður, Bónus-handlarnir kring landið, Myllnurnar, Dvøljan og Miðlon.