Danir lidnir at koppseta 25. juli

Gongst sum ætlað, verða øll í Danmark koppsett tann 25. juli.

Heilsustýrið hevur dagført koppsetingarætlanina.

Tey eldru og tey, sum eru í vandabólki, eru øll koppsett um góðar tvær vikur, fyrst í apríl.

Koppseta eftir aldri

Síðani verður koppsett eftir aldri. Fyrst tey í aldursbólkinum millum 65 og 74 ár. Og tey seinastu, sum eiga tørn, eru tey millum 30 og 34 ár. Tey eru liðugt koppsett tann 25. juli, gongst sum ætlað.

Danska koppsetingarætlanin er annars broytt fleiri ferðir.

Higartil eru 4,6 prosent av fólkinum liðugt koppsett.

Í Danmark eru nú færri enn 200 fólk innløgd við koronu.