Burn-deildin: Neistin hevur knívin á barkanum

Neistin er undir trýsti undan aðru hálvfinaluni móti VÍF í Burn-deildini í kvøld. 

Havnafelagið, sum seinast vann FM í 2011, skal vinna dystin í høllini á Hálsi, um vónirnar um eitt nýtt føroyameistaraheiti ikki skulu bresta.

Vinnur Neistin í kvøld, verður avgerandi hálvfinala millum liðið mikukvøldið.

Vestmenningar flúgvandi

Í fyrstu hálvfinaluni var eingin ivi um, at VÍF var betra liðið. Vestmenningar vunnu heili 35-25, og hava tí sálarliga yvirtakið í kvøld.

Men yvirtakið er ikki størri enn so, enn at um Neistin vinnur - um tað so er við einum málið ella 20 - so skal avgerandi dystur spælast. 

Málmunur telur nevniliga ikki í hálvfinalunum.

Dysturin byrjar kl. 19.00, og Kringvarpið stroymir dystin á kvf.fo frá klokkan 18.50.