Føroyameistaraheitið stendur upp á spæl

21.04.2021 - 12:22
ÍtrótturHondbóltur
Føroyameistaraheitið stendur upp á spæl
VÍF og StÍF kunnu vinna meistaraheitið, tá tey spæla ímóti ávíkavist H71 og Neistanum í fjórðu FM-finalunum í kvøld
StÍF kann vinna sítt fyrsta føroyameistaraheiti í høllini á Skála í kvøld
 

Í kvøld kann FM-heitið í hondbólti hjá bæði kvinnum og monnum verða avgjørt. 

Menninir hjá VÍF skulu á vitjan hjá H71 í Hoyvík. Seinast liðini spældu har var í aðru FM-finaluni, tá H71 vann eftir longda leiktíð og brotskastskapping. Hinar báðar finalurnar, sum eru spældar í Vestmanna, hava vestmenningar vunnið, og vinna teir aftur í kvøld, er VÍF føroyameistari fyri fyrstu ferð síðan 2016.

Á vestara armi á Skálafirði er spenningurin stórur. Kvinnurnar hjá StÍF taka ímóti Neistanum í høllini á Skála, har tær við sigri kunnu vinna sítt fyrsta FM-heiti (Skála vann FM í 1991 og 1993). Leygardagin vann StÍF sannførandi stórsigur - 20-27 - í høllini á Hálsi, men í aðru finaluni vann Neistin við einum máli á Skála.

Dysturin millum StÍF og Neistan byrjar klokkan 18:00, og H71 og VIF spæla klokkan 20:00. Kringvarpið vísir báðar dystirnar beinleiðis í sjónvarpinum.

Er kopiera
Nýggjastu sendingar í ÚV
Hósdag 24. juni
Morgunlestur hósdagur 24. juni 2021
125462
Mikudag 23. juni
Nón 23. juni 2021
125835
Mikudag 23. juni
Morgunlestur mikudagur 23. juni 2021
125807
Nýggjastu sendingar í SV
Mánadag 21. juni
3-2
125752
Leygardag 19. juni
Video: 5mf gentur, sundalagsstevna 2021
125674
Leygardag 19. juni
Video: 10mf, sundalagsstevna 2021
125671
Leygardag 19. juni
Video: 8mf, sundalagsstevna 2021
125670
Leygardag 19. juni
Video: 5mf dreingir, sundalagsstevna 2021
125669