Meirvirðisgjald skal leggjast á

Tað sigur TAKS, nú tað eftir ymiskar tulkingar er staðfest, at ferðaleiðarar skulu leggja meirvirðisgjald omaná prísin fyri sína tænastu.

​Í nøkur ár hevur virksemið annars verið tulkað sum mvg-frítt. Komið var tó eftir, at tulkingin var ikki røtt, og avgerð varð tí tikin um, at meirvirðisgjald skuldi leggjast á.

Í sambandi við kæru um málið, hevur Skatta- og avgjaldskærunevndin viðgjørt spurningin og hevur í niðurstøðu tikið undir við avgerðini hjá TAKS​.

Meirvirðisgjald skal rindast av virkseminum, sum hevur við ferðavinnuna at gera, hevur TAKS nú endaliga staðfest.