Sakarmálið móti danska kvotukonginum útsett

10.06.2021 - 09:25
AktueltSamfelag
Sakarmálið móti danska kvotukonginum útsett
Ákæruvaldið hevur lækkað kravið um pening, sum hald skal leggjast á, úr 232 mió. kr. niður í 210 mió. kr.
Henning Kjeldsen er saman við fleiri øðrum ákærdur í størsta sakarmálinum í donsku fiskivinnusøguni
Mynd: Berlingske  
 

Størsta sakarmálið í donsku fiskivinnusøguni er útsett til í september.

Orsøkin er, at tey ákærdu vilja hava longri tíð til at kanna kravið um hald á pening, sum ákæruvaldið hevur kravt.

Upprunaliga kravdi ákæruvaldið, at hald skuldi leggjast á 232 milliónir kr., men nú hevur ákæruvaldið lagt fram eina frágreiðing í 9.000 síðum um orsøkina til kravið, men hevur samstundis lækkað kravið um pening, sum hald skal leggjast á, niður í 210 milliónir kr.

Dómarin útsetti málið

Verjin hjá reiðaranum førdi fram í rættinum í gjár, at rætt er ikki farið fram, tá kravið varð roknað út, tí onkur viðurskifti verða nevnd tvær ferðir, og tí er neyðugt at kanna kravið av nýggjum.

Tað gav dómarin verjanum viðhald í, og gav loyvi til, at málið verður útsett til hálvan september, og skal síðani vara til í november.

Sakarmálið byrjaði í mars, og skuldi eftir ætlan vera liðugt fyri summarfrítíðina.

Málið er tað størsta av sínum slag í Danmark. 10 fólk eru ákærd.

Strámenn hjálptu

Reiðarin, Henning Kjeldsen, er tann høvuðsákærdi. Hann skal hava nýtt strámenn fyri at fáa so nógvar kvotur sum møguligt, og kravrið um at leggja hald á 232 milliónir kr., er sett fram ímóti honum. Og kravt verður eisini, at hann missir rættin at reka fiskivinnu.

Aftrat Henning Kjeldsen eru sjey fólk ákærd. Tey skulu hava virkað sum strámenn, fleiri av teimum eru næstringar og fólk, sum hava arbeitt hjá reiðaranum.

Grannskoðarin og advokaturin hjá reiðaranum eru eisini ákærdir, og kravið ímóti teimum er, at teir missa rættin at virka á sínum øki.

Er kopiera
Nýggjastu sendingar í ÚV
Fríggjadag 30. juli
Morgunlestur fríggjadagur 30. juli 2021
126396
Hósdag 29. juli
Guðstænasta úr Havnar kirkju
127006
Hósdag 29. juli
Morgunlestur hósdagur 29. juli 2021
126395
Mikudag 28. juli
Morgunlestur mikudagur 28. juli 2021
126394
Týsdag 27. juli
Málbroytingar í føroyskum
126166
Nýggjastu sendingar í SV
Hósdag 29. juli
Tingið verður sett
127016
Hósdag 29. juli
Guðstænasta úr Havnar kirkju.
127005
Mikudag 28. juli
Á ólavsøku
126992
Mikudag 28. juli
Video: 5mf gentur, ólavsøka 2021
126991
Mikudag 28. juli
Video: 10mf, ólavsøka 2021
126990