Fá fólk í býnum í nátt

Skeinkistøð í høvuðsstaðnum høvdu opið í nátt.

Men fá fólk vóru í býnum, sigur løgreglan.

Hósdagin mettu heilsufakligu myndugleikarnir tað ikki vera ráðiligt, at náttarlívið hevur opið hetta vikuskiftið.

Orsøkin var, at tað er ikki fult tamarhald á verandi smittukeldum.

Fleiri skeinkistøð, ikki øll, høvdu kortini opið.

Onkur lótu aftur á miðnátt, onnur um tvey-tíðina, meðan okkurt skeinkistað hevði opið til klokkan fýra í morgun.

Politiið sigur, at tað vóru sera fá fólk í býnum.