Ongland og Týskland møtast í áttandapartsfinaluni

Nú eru allar áttandapartsfinalurnar klárar, og tað endaði við, at Ongland og Týskland skulu møtast enn einaferð. 

Týskland var annars á veg úr EM-kappingini, tá teir høvdu ilt við at bara fáa javnleik móti Ungarn. 

Tvær ferðir var Ungarn frammanfyri, men at enda eydnaðist tað Leon Goretzka at javna. Og tað var nóg mikið hjá Týsklandi at sleppa víðari úr Bólki F saman við Fraklandi og Portugal, ið eisini spældu javnleik 2-2. 

Harvið eru allar áttandapartsfinalurnar klárar, og tær eru:

Leygardagin 26. juni
1: Wales - Danmark (17:00, Amsterdam)
2: Italia - Eysturíki (20:00, London)

Sunnudagin 27. juni
3: Holland - Kekkia (17:00, Budapest)
4: Belgia - Portugal (20:00, Sevilla)

Mánadagin 28. juni
5: Kroatia - Spaina (17:00, Keypmannahavn)
6: Frakland - Sveis (20:00, Bukarest)

Týsdagin 29. juni
7: Ongland - Týskland (17:00, London)
8: Svøríki - Ukraina (20:00, Glasgow)