Óvist hvussu nógvir rumenskir skamtar koma til Føroya

30.06.2021 - 12:40
AktueltHeilsa
Óvist hvussu nógvir rumenskir skamtar koma til Føroya
Danmark hevur keypt 1,17 skamtar av koronakoppingarevni úr Rumenia
 

Enn er ikki greitt, hvussu nógvir skamtar av koronakoppingarevni koma til Føroya, nú Danmark hevur keypt 1,17 mió skamtar úr Rumenia.

Tað upplýsir sjúrkahúsverkið fyri Kringvarpinum.

"Danmark og Rumenia avtalaðu í gjár, at Danmark keypir hesar skamtarnar við Pfizer koppingarevni, tí Rumenia í løtuni ikki megnar at brúka teir," segði danski heilsumálaráðharrin, Magnus Heunicke, í gjárkvøldið.

Hetta merkir, at danska koppingarætlanin nú skal endurskoðast, og heilsustýrið sigur við danska kringvarpið, at ein dagførd ætlan kemur longu í morgin.

 

Føroyar fylgja Danmark

Føroyska koppingarætlanin fylgir tí donsku, tí Føroyar fáa fast lutfall av skamtunum sum Danmark fær.

Sjúkrahúsverkið upplýsir, at landsapotekarin skal á fund í danska koppsetingarbólkinum í morgin at umrøða, hvussu koppingarevnið úr Rumenia skal býtast millum Føroyar og landslutirnar í Danmark, og danska Heilsustýrið skal avgera, hvussu nógv, og nær koppingarevnið verður latið.

Áðrenn henda fráboðan kemur frá Heilsustýrinum, ber ikki til at siga neyvt, hvussu stóran part av koppingarevnunum úr Rumenia skal til Føroya, og nær tað verður.

Higartil hava Føroyar fingið skamtar svarandi til lutfallið í fólkatalinum, ella umleið 0,9 prosent av teimum nøgdum, sum koma til Danmarkar, -  tað svarar til at vit so fáa umleið 10.000 skamtar aftrat. 

 

Meir at frætta seinni í vikuni

Sambært landsapotekaranum, verður meira ítøkiligt at frætta um hetta seinni í vikuni, upplýsir sjúrkahúsverkið fyri Kringvarpinum.

Sambært donskum miðlum, so koma fyrstu skamtarnir úr Rumenia til Danmarkar longu í morgin.


 

Er kopiera
Nýggjastu sendingar í ÚV
Mikudag 25. mai
LEITISSTEIN 24.04.2022
140144
Mikudag 25. mai
Nón 25. mai 2022
140137
Mikudag 25. mai
Breddin - Fangi hjá Islamskum Stati
140117
Mikudag 25. mai
Góðan morgun Føroyar 25.05.22
140108
Mikudag 25. mai
Morgunlestur mikudagur 25.mai 2022
139980
Nýggjastu sendingar í SV
Mánadag 23. mai
3-2
140037
Sunnudag 22. mai
Andaktin
139968
Sunnudag 22. mai
Guðstænasta í Elduvíkar kirkju
139969
Hósdag 19. mai
Sært tú meg 2:3
139885
Mánadag 16. mai
3-2
139731