Fólk keypa nógv fleiri klæðir í ár enn í fjør

Hagstovan sigur, at í bólkinum, sum eitur matvørur og alkoholfríar drykkjuvørur, er umsetningurin seks prosent størri í ár enn í fjør.

Príshækkingin í bólkinum er 0,4 prosent.   

Í bólkinum húsbúnaður og húsarhaldsútgerð er umsetningurin 21 prosent størri.

Príshækkingin har er eitt prosent.

Størsti vøksturin er í bólkinum, sum eitur klædnavørur og fótbúnaður. Har var umsetningurin heili 59 prosent størri í fyrsta ársfjórðingi í ár enn í fyrsta ársfjórðingi í fjør. 

Prísirnir á klæðum og skóm eru hækkaðir trý prosent.