Boris Johnson vildi ofra gomul fólk fyri at bjarga búskapinum

Dominic Cummings sigur við BBC, at Boris Johnson aftraði seg við at herða koronu-átøkini í fjørheyst, tá bretsku smittutølini fóru at vaksa. Sambært Cummings skal hetta hava verið tí Boris Johnson helt, at tey flestu, sum doyðu við koronu, vóru fólk eldri enn 80.

"Vit kunnu ikki drepa búskapin, tí fólk omanfyri 80 doyggja," endurgevur Cummings Boris Johnson fyri at hava sagt, og hann sigur, at onnur eisini hoyrdu forsætisráðharran siga soleiðis.

Dominic Cummings sigur eisini, at hann hevur goymt gomul sms-boð frá Boris Johnson, sum stuðla upp undir hetta.

Í samrøðuni leggur Cummings eisini Johnson undir at taka síni egnu áhugamál framum menniskjalív.

Ein talsmaður úr Downing Street sigur við BBC, at forsætisráðharrin hevur tikið neyðugu stigini til at verja lív og lívsbreyð hjá bretum, og at tað er gjørt í tráð við vísindaliga ráðgeving.