Jóhan sendi Danmark í OL-finaluna

05.08.2021 - 14:47
ÍtrótturHondbóltur
Jóhan sendi Danmark í OL-finaluna
Jóhan á Plógv Hansen avgjørdi OL-hálvfinaluna móti Spania, tá hann skoraði eitt avgerandi mál aftur um bakið á sær sjálvum, tá tað restaði ein minuttur av hálvfinaluni
Mikkel Hansen staðfesti við 12 málum í OL-hálvfinaluni, at hann enn er heimsins bestu hondbóltsspælari.
Mynd: DR.DK  
 

Danmark er aftur í einari OL-finalu.

Hetta er greitt, eftir at Danmark vann ein sannførandi 27-23 sigur á Spania. 

Sigurin í hálvfinaluni gevur danska hondbóltslandsliðnum við monnum møguleikan at endurvinna OL-gullið frá Rio í 2014, tá teir skulu spæla finaluna móti Fraklandi leygardagin klokkan tvey. 

Danmark

Frítekst tagging: 

 

Danmark omaná

Danmark byrjaði væl og var oman á allan dystin - til tíðir við fýra málum -, men kviku sponsku leikararnir góvu ongantíð upp. 

Gonzalo Pérez de Vargas í spanska málinum forðaði fyri, at Danmark stakk av í byrjanini. Uttan málverjan, so vóru spaniólar um ein háls. 

Ferð eftir ferð bjargaði Pérez de Vargas, tá danir høvdu upplagdar málmøguleikar. 

 

Hansen og Landin gingu á odda

Stóru stjørnurnar hjá Danmark vóru Mikkel Hansen, ið skeyt 12 mál, og so Niklas Landin í málinum, sum báðir spældu sín besta dyst í kappingini. 

Serliga Mikkel Hansen vísti, at hann er heimsins besti hondbóltsspælari. Ferð eftir ferð buldraði hann bóltin í málið, og ferð eftir ferð spældi hann sínar viðleikarar fram til fríar málmøguleikar. 

Danmark fór til hálvleiks á odda við fýra málum, 14-10. Serliga danska verjan stóð væl allan dystin. 

Tíverri sløsaði Danmark frá byrjan í seinna hálvleiki, og javnt og samt spældu røsku sponsku spælararnir seg inn aftur í dystin 

Serliga Alex Dujshebaev var nærmast ein einmans-herur fyri Spania. 

 

Jóhan kom inn og avgjørdi

Jóhan á Plógv Hansen sat á bonkinum inn til tað vóru tíggju minuttir eftir av dystinum, tá hann varð sendur á vøllin fyri Lasse Svan, ið júst hevði brent sín triðja opna málmøguleika. 

Og føroyski høgri vongurin á danska landsliðnum fekk ein avgerandi leiklut, tá tað manglaði ein minuttur av dystin.

Jóhan á Plógv Hansen bleiv spældur fríur av Mathias Gidsel, og hóast Jóhan á Plógv Hansen bleiv taklaður, so eydnaðist tað honum at skjóta bóltin í málið aftur um bakið á sær sjálvum. 

Nú skal Jóhan á Plógv Hansen spæla OL-finalu saman við Danmark leygardagin klokkan tvey. 

 

Er kopiera
Nýggjastu sendingar í ÚV
Sunnudag 24. september
Meg minnist - Petur Simonsen (2:5)
162935
Sunnudag 24. september
Bolero 24 sep 2023
163241
Sunnudag 24. september
Guðstænasta úr Glyvra kirkju
163239
Sunnudag 24. september
Credo: Vitlíki
163211
Leygardag 23. september
Jambalaja 230923
163225
Nýggjastu sendingar í SV
Fríggjadag 22. september
Veðrið
163197
Hósdag 21. september
Vit eru enn til
163137
Hósdag 21. september
Fagnaðarløta fyri Martini Joensen
162865
Týsdag 19. september
Veðrið
163001
Mánadag 18. september
Andakt við Ellindi Abrahamsen
162894