Føroyskar fyritøkur vilja skerja útlátið

Tríggjar av teimum 12 fyritøkunum siga, at tær skulu einki útlát hava yvirhøvur í 2030.

Hoyr samrøðu við Árna Jakobsen, stjóra í SMJ Ráðgevandi verkfrøðingum. 

Umframt SMJ hava Føroya Tele og Gist&Vist eisini bundið seg til ikki at hava nakað útlát yvirhøvur í seinasta lagi í 2030.

SMJ er longu komið væl á veg at gerast ein grøn fyritøka, og væntar at røkka málinum longu um trý ár.

SMJ ráðgevandi verkfrøðingar, SMJ, verkfrøðingar, verkfrøði

SMJ Ráðgevandi verkfrøðingar vænta at røkka málinum longu í 2024. (Mynd: SMJ)

SMJ arbeiðir við grønum orkuloysnum, og tey royna eisini at fáa kundarnar at hugsa grønt. Fyritøkan hevur m.a. gjørt eina sjóhitaskipan í Klaksvík, og er í ferð við at útvinna grøna orku til H-bygningin á Landssjúkrahúsinum.

Árni Jakobsen heldur tað hevur týdning, at fleiri fyritøkur hava sett sær sama mál at minka um útlátið av vakstrarhúsgassi.