Jóannes Kalsø Danielsen fyri Hera Hjalt Mohr

Enn eitt avboð er komið til A-landsdystirnar hjá monnum móti Eysturríki og Skotlandi, sum verða á Tórsvølli ávíkavist leygardagin 9. oktober og týsdagin 12. oktober.

Heri Hjalt Mohr er skaddur og fær ikki spælt, og Håkan Ericson hevur sent boð eftir Jóannesi Kalsø Danielsen úr KÍ í staðin.

Hetta er triðja avboðið, síðan hópurin varð tikin út síðsta mánadag. Mikudagin boðaði Andreas Lava Olsen úr Víkingi frá, at hann ikki var tøkur til komandi dystir. Í hansara stað úttók landsliðsvenjarin, Håkan Ericson, John Frederiksen, ið dagliga spælir fyri SKU Amstetten í Eysturríki.

Síðan varð Daniel Johansen úr HB noyddur at geva avboð vegna skaða, og fyri hann blivu boð send eftir Hannesi Agnarsson úr B36.

Og nú hevur Jóannes Kalsø Danielsen so fingið boð ístaðin fyri Hera Hjalt Mohr.