Amerikanarar fingið nobelheiðursløn í medisini og fysiologi

Amerikanararnir, David Julius og Ardem Patapoutian, hava fingið nobelheiðurslønina í medisini og fysiologi. Karolinski stovnurin sigur, at teir báðir hava fingið heiðurslønina, tí tað, sum teir hava uppdagað, er slóðbrótandi.

Við hita og tað at nema við hava teir fingið størri fatan av nervaskipanini. David Julius hevur nýtt hita at ávirka nervaskipanina, og Ardem Patapoutian hevur nýtt tað at nema við.

Heiðurslønin er tilsamans 10 milliónir svenskar krónur, sum svarar til 7,3 milliónir krónur í okkara peningi.