Breddin: Kjak um samstarvsráðið

Tvey evni vera í Breddanum fyrrapartin.

Annað er fjaldur peningur í skattaskjóli og peningahvítting, og hitt er nýggja samstarvsráðið í ríkisfelagsskapinum. 

Sunnukvøldið gjørdust Pandora-skjølini almenn - ein risastórur dátuleki við nærum 12 mió. skjølum. Tey avdúka nógv ivasom viðurskifti hjá nøkrum av heimsins ríkastu fólkum í tiltiknum skattaskjólum.

Samstarvsráð

Løgmaður skrivaði í gjár undir avtalu um eitt samstarvsráð við hini londini í ríkisfelagskapinum.

- Nýggja samstarvsráðið millum Danmark, Føroyar og Grønland fer at hava ein týðandi lut at tryggja okkum størri innlit og ávirkan á okkara trygdar- og verjupolitisku viðurskiftini næstu árini, sigur Bárður á Steig á Nielsen. 

Men hvat broytist, og verður nakar munur á hesari avtaluni og eitt nú Fámjinskjalinum, sum eisini skuldi tryggja Føroyum ávirkan á uttanríkis- og trygdarpolitikk?

Høgni Hoydal, formaður í Tjóðveldi, og Christian Andreasen, formaður í tingbólkinum hjá Fólkaflokkinum, kjakast í útvarpsstovuni.

Breddin í útvarpinum klokkan 10.