Nýtt uppskot um frádrátt fyri negativa rentu

Tá uppskotini um broytingar í skattalógunum, sum skulu hjálpa vinnuni, nú negativ renta er, skuldu í tingið í vár, vóru tey ikki til hoyringar, tí skotbráið hjá Fíggjarmálaráðnum var so stutt.

Síðani er komin undan kavi ivi um, hvussu broytingarnar skulu skiljast.

Hetta hevur fingið Fíggjarmálaráðið at gera uppskot um broytingar í kapitalvinningsskattalógini, sjálvari skattalógini og lógini um stuðul til rentuútreiðslur av lánum.

Fíggjarmálaráðið vónar, at við hesum broytingum og neyvlýsingum er eingin ivi longur um, hvussu vinnan kann draga frá negativa rentu.

Og hesa ferð er lógaruppskotið sent til hoyringar í hálvan mánað, frá 1. til 15.oktober.

Eingin ætlan er í Fíggjarmálaráðnum um, at vanlig fólk kunnu draga negativa rentu av innlánum frá í skattinum.