Spenningur er um niðurflyting og síðsta atgongumerkið til Evropa

Spenningur er enn um síðsta plássið, sum gevur atgongd til evropeiskan fótbólt, og um at sleppa undan niðurflyting úr bestu mansdeildini í fótbólti, nú næstasíðsta umfar verður spælt í dag. 

B36 og NSÍ stríðast um fjóðra plássið, sum gevur atgongd til evropeiskan fótbólt næsta ár.

Eitt stig skilir liðini á stigatalvuni. 

B36 spælir móti Víkingi í Gundadali í dag, meðan NSÍ skal til Fuglafjarðar at spæla móti ÍF, sum hinvegin stríðist fyri at varðveita sætið í bestu deildini. 

ÍF berjist fyri lívinum

Bert trý stig skilja ÍF á næstaftasta plássi og B68, sum er triðaftasta plássi. 

Meðan ÍF skal spæla móti NSÍ á heimavølli, so skal B68 spæla móti niðurflytarunum úr TB á Svangaskarði.  

Hinir dystirnir í dag verða spældir á Dungasandi í Sørvági, har 07Vestur tekur ímóti HB, og við Djúpumýri í Klaksvík, har føroyameistarin, KÍ, fær vitjan av EB/Streymi. 

Allir dystirnir í bestu mansdeildini í fótbólti byrja klokkan hálvgum fýra í dag, also klokkan 15:30.