Pávin: Ríku londini noyðast at rinda skuld fyri ótálmaða nýtslu

Ríku londini í heiminum hava eina grøna skuld at rinda fyri ótálmaða nýtslu av egnum náttúruríkidømi og náttúruríkidøminum hjá øðrum londum.

Tað var høvuðsboðskapurin í røðuni hjá Frans páva á veðurlagsráðstevnuni í Glasgow, skrivar Reuters.

Viðmerkingarnar hjá pávanum vórðu lisnar upp av kardinalinum, Pietro Parolin, sum stendur á odda fyri sendinevndini hjá Vatikaninum í Glasgow.

Eiga at vera djørv

- Tíðin er komin til at bera skjótt, at vera djørv, og samstundis síggja veruleikan í eyguni, stóð í boðunum frá Vatikaninum.

84 ára gamli pávin, sum hevur virkað nógv fyri umhvørvinum í síni tíð sum pávi, hevur fleiri ferðir sagt seg vóna, at hann kundi fara til Glasgow á COP-26 ráðstevnuna.

Men 8. oktober boðaði Vatikanið frá, at pávin ikki fór á ráðstevnuna, og at Parolin skuldi standa á odda fyri sendinevndini hjá Vatikaninum í Glasgow. Einki annað varð nevnt, skrivar Reuters.