Korona samfelagshættislig sjúka í Danmark

Ein stórur meiriluti í Fólkatinginum mælir til, at korona verður bólkað sum ein samfelagshættislig sjúka.

Tað sigur danski heilsumálráðharrin, Magnus Heunicke, nú farsóttarnevndin viðger koronustøðuna í Danmark.

Meiriluti er eisini fyri at "gera dagføringar við koronapassinum". Farsóttarnevndin viðger nú, nær og hvar broytingarnar skulu gerast.

Í gildi fríggjadagin

Heunicke sigur, at stjórnin ætlar, at koronapassið kemur í gildi fríggjadagin í hesi vikuni.

Farsóttarnevndin tosar eisini um, hvussu drúgva tíð korona skal vera samfelagshættislig sjúka.

Tá ið ein sjúka verður bólkað sum samfelagshættislig, kann stjórnin gera avmarkingar við heimild í farsóttarlógini, skrivar DR.

Galdandi í fýra mánaðir

Skipanin við koronupassi kemur í gildi í Danmark fríggjadagin, og skipanin verður helst galdandi í fýra mánaðir í fyrstu syftu.

Ætlanin er, at serliga farsóttarnevndin hjá fólkatinginum skal viðgera støðuna hvønn mánað, og síðani taka avgerð út frá tí, sigur formaðurin í nevndini, Stinus Lindgren.

Koronapassið skal galda, um fleiri enn 200 fólk koma saman innandura, og fleiri 2.000 koma saman uttandura, sigur danski heilsumálaráðharrin.