- Tíðindi, mentan og ítróttur
Útlendsk sjófólk skulu hava norska løn
Útlendsk sjófólk skulu hava norska løn
Útlendsk ferðamannaskip, sum vitja Oslo, Bergen, Hardanger og Ålesund, kunnu ikki longur rinda filippinska løn, tá tey eru í norskum sjógvi
Útlendsk ferðamannaskip, sum vitja ávísar býir í Noregi, skulu rinda norska løn, ætlar norska stjórnin.
Mynd: VisitNorway
15.11.2021 - 08:35
Norski fiskimálaráðharrin, Bjørnar Skjæran, vil tryggja øllum sjófólkum lønar- og arbeiðsumstøður sambært norskum treytum, meðan tey eru í norskum sjógvi, eisini sjófólk við útlendskum ferðamannaskipum, sum hava Noreg sum høvuðsmál.
Arbeiðið at fyrireika lógaruppskotið er byrjað, váttar Skjæran fyri VG.
Tað merkir, at útlendsk ferðamannaskip, sum vitja Oslo, Bergen, Hardanger og Ålesund, ikki longur kunnu rinda filippinska løn, tá tey sigla í norskum sjógvi.
Stórur sigur
Norska lønin er kortini ikki galdandi fyri skip, sum koma í norska havn við vørum og ferðafólkum, og fara avstað aftur.
- Hetta er ein stórur sigur, sigur formaðurin í norska Sjómannafelagnum, Johnny Hansen.
- Vit hava arbeitt við hesum síðani 2008, og nú hendir endiliga okkurt, sigur hann.
Bjørnar Skjæran er norskur fiskimálaráðharri. (Mynd: Aftenposten)
Er kopiera
Nýggjastu sendingar í ÚV
Nýggjastu sendingar í SV
