Hollendskur banki kannar ivasamar peningaflytingar úr Kongo

bannari
24.11.2021 - 16:31
AktueltSamfelag
Hollendskur banki kannar ivasamar peningaflytingar úr Kongo
Rabobank er fyrsti banki, sum úttalar seg um Kongo-ránið
Rabobank í Hollandi hevur sett innanhýsis kanning í verk.
 

Í Hollandi hevur bankin, Rabobank, sett innanhýsis kanning í verk fyri at fáa greiði á illgrunasomum pengaflytingum millum Holland og Kongo.

Bankin er samstundis tann fyrsti bankin, sum alment hevur úttalað seg um málið.

Tað skrivar hollendski miðilin, NRC, sum hevur verið við í kanningararbeiðinum.

Í dátulekanum CongoHoldUp varð avdúkað, at feløg í Kongo hava flutt einum hollendskum matvøruveitara umleið 50 milliónir dollarar árini 2011 til 2013.

- Hóast frágreiðingar kunnu geva ábendingar um, at vit áttu at havt handlað tá, so vilja vit kanna málið til botns, skrivar bankin í skrivligari viðmerking.

Virða tagnarskyldu

Annars sigur Rabobank seg virða tagnarskylduna, sum er áløgd øllum peningastovnum.

Kongolesiski umboðsmaðurin var Kassin Tajideen. USA hevur sett tiltøk í verk ímóti honum, tí hann skal hava verið við til at fíggja Hizbollah-rørsluna í Irak. Hann hevur sjálvur víst teimum ákærunum aftur. 

Í Føroyum hevur BankNordik sagt, at sum peningastovnur er BankNordik fevndur av tagnarskyldu, og bankin fer av somu orsøk ikki at svara fyrispurningum frá fjølmiðlum um ítøkilig mál í hesum sambandi.

Er kopiera
Nýggjastu sendingar í ÚV
Týsdag 28. mars
Morgunlestur týsdagur 28. mars 2023
154416
Mánadag 27. mars
Norðurljóð 27. mars 2023
154243
Mánadag 27. mars
Begynna og byrja eru bæði føroysk
154728
Mánadag 27. mars
Góðan morgun Føroyar 27.03.2023
154725
Nýggjastu sendingar í SV
Sunnudag 26. mars
Guðstænasta úr Sjóvar kirkju
154691
Sunnudag 26. mars
Andakt við Árna Joensen
154684
Fríggjadag 24. mars
Veðrið 24. Mars
154636
Mikudag 22. mars
Úr savninum: Flúgviplássið
154470