Revsingin fyri kynslig brotsverk skal herðast

Revsingin fyri kynslig brotsverk skal herðast.

Uppskot er gjørt um tað. Hoyringarfreistin er 7.januar 2022.

Sambært Løgmansskrivstovuni skal staðfestast, at samlega við fólk, sum ikki samtykkir tað, er neyðtøka.

Er í gildi í Danmark

Revsingin fyri neyðtøku verður herd.

Hetta er komið í Danmark, men ikki í Føroyum sambært Føroya rætti og Landsrættinum.

Revsingin fyri samlegu við barn undir 15 ár skal herðast, tá tann, sum fremur brotið, hevur gjørt sær dælt av síni kropsligu ella sálarligu yvirvág. 

Hetta er ein áseting, sum dómsvaldið eisini hevur eftirlýst.

Eitt árs fongsulsrevsing skal leggjast aftrat revsingini, sum hon er nú.

Sektarrevsingin fyri blúnisbrot skal tvífaldast.

Tilhaldsforboð skal víðkast

Og tilhaldsforboðið, sum dømd fyri ávís kynslig brotsverk fáa, skal víðkast.

Hetta er forboðið fyri at vera saman við børnum og ungum.

Endamálið við uppskotinum er at dagføra kapittulin í revsilógini um kynslig brotsverk, so herðingarnar og broytingarnar á hesum øki, sum eru gjørdar í Danmark seinastu árini, eisini verða settar inn í føroysku revsilógina, sigur Løgmansskrivstovan.