Starvsfólk í PET undir illgruna fyri at hava likið

Fregnartænastan hjá donsku løgregluni, PET, hevur handtikið fýra núverandi og fyrrverandi starvsfólk í PET og í fregnartænastuni hjá donsku verjuni, FE.

Tey fýra eru undir illgruna fyri at hava likið upplýsingar.

Tað boðar PET frá á heimasíðu síni í morgun. 

Tey fýra eru m.a. skuldsett fyri av órøttum at hava givið loyniligar upplýsingar frá fregnartænastunum víðari. Fólkini vóru handtikin í samstarvi við løgregluna. 

Sambært PET eru lekarnir kannaðir í longri tíð, og kanningarnar eru ikki lidnar. M.a. eru húsarannsóknir gjørdar á fleiri bústøðum.

Málið er nú latið ákæruvaldinum, skrivar PET.