- Tíðindi, mentan og ítróttur
Uppskot um fyrstu føroysku integrasjónslóg sent til hoyringar
Umhvørvis-og vinnumálaráðið sigur, at endamálið við lógini er at tryggja, at tilflytarar fáa møguleika at gagnnýta sínar førleikar og síni evni á ein hátt, sum gevur teimum møguleika at vera við í samfelagnum á jøvnum føti við onnur.
Lógin skal stuðla undir, at tilflytarar verða tryggjað høvi at gerast partur í politiskum-, fíggjarligum-, arbeiðsmarknaðarligum-, sosialum- og mentanarligum sambondum í Føroyum.
Lógin skal eisini tryggja, at allir tilflytarar eru kunnaðir um treytir, krøv og møguleikar, sum eru galdandi í Føroyum.
Ætlanin er, at seta sum treyt fyri at fáa varandi uppihaldsloyvi í Føroyum, at fólk hava víst í verki, at tey vilja vera partur av føroyska samfelagnum.
- Hesar treytir eru longu í útlendingalógini, men um tað skal bera til at seta slíkar treytir, so má eitt hóskandi intergrasjónstilboð eisini vera tøkt, sigur Umhvørvis- og vinnumálaráðið.
Í januar í ár vóru 4% av fólkatalinum í Føroyum útlendingar.
Hoyringarfreistin um uppskotið um integrasjónslógina er 25. Januar 2022.