- Tíðindi, mentan og ítróttur
Árið í fjør nógv tað besta hjá Suez-veitini
Árið í fjør nógv tað besta hjá Suez-veitini
Ever Given stongdi Suez í seks dagar, men kortini sigldu fleiri skip gjøgnum veitina í fjør enn í fyrraárið
At bingjuskipið Ever Given stongdi Suez-veitina í fleiri dagar í fjør, ávirkaði ikki raksturin av veitini, tvørturímóti.
03.01.2022 - 09:13
Hóast stóra bingjuskipið, Ever Given, stongdi Suez-veitina í næstan eina viku í fjør, so var árið nógv tað besta hjá veitini, skrivar NTB.
Egyptaland, sum eigur Suez-veitina, fekk 6,3 milliardir dollarar, svarandi til 56 milliardir kr., í avgjaldi frá skipum, sum sigldu gjøgnum veitina.
Talan var um ein vøkstur upp á 13 prosentstig sammett við 2020, sum átti metið frammanundan, upplýsir Osama Rabie, stjóri í egyptiska felagnum, ið rekur Suez-veitina.
Bingjuskipið, Ever Given, tipti veitina í seks dagar í mars í fjør. Hóast tað, so sigldu 20.694 skip gjøgmum Seuz-veitina í fjør samanborið við 18.830 skip í 2020, skrivar NTB.
Er kopiera
Nýggjastu sendingar í ÚV
Nýggjastu sendingar í SV
