Alivinnan setti aftur met í fjør

Alivinnan setti aftur met í fjør.

Tilsamans vóru tikin 95.000 tons í kruvdari vekt. Hetta er umleið 30 prosent meira enn í 2020, tá 73.000 tons í kruvdari vekt vóru tikin, og eisini meira enn 2019, sum seti met. 

Tá vóru umleið 78.000 tons tikin í kruvdari vekt.

95.000 tons í kruvdari vekt svara til umleið 115.000 tons í rundari vekt.

Nú síggjast úrslitini

Havbúnaðarfelagið sigur, at alivinnan hevur meira ella minni staðið í stað í nøkur ár, men nú síggjast úrslitini av íløgunum, sum eru gjørdar at ala størri smolt á landi.

Alivinnan arbeiðir áhaldandi við at stytta um tíðina, sum alilaksurin er í sjónum, og ein styttri tíð á sjónum hevur við sær, at árliga tøkan kann økjast, sigur Havbúnaðarfelagið.