Talgilda heilsuskipanin verður uppstigað

Talgilda heilsuskipanin verður uppstigað
Avgreiðslutíðin hjá kommunulæknum og á apotekinum verður eitt sindur drúgvari enn vant
Talgilda heilsuskipanin verður brúkt í øllum heilsuverkinum og í pørtum av eldrarøktini.
 
14.01.2022 - 16:02

Talgilda heilsuskipanin verður uppstigað um vikuskiftið. Tí kunnu fólk vænta, at avgreiðslutíðin hjá kommunulæknum og á apotekunum verður eitt vet longur í næstu viku, meðan starvsfólkini venja seg við skipanina.

Tað skrivar landssjúkrahúsið á síni heimasíðu í dag.

Tað hevur í longri tíð verið arbeitt við at uppstiga talgildu heilsuskipanina, sum verður brúkt í øllum heilsuverkinum og í pørtum av eldrarøktini. Talan er um eina umfatandi og neyðuga dagføring av skipanini, verður sagt.

Vanliga hava slíkar størri tøkniligar dagføringar við sær avbjóðingar fyrstu dagarnar eftir uppstiganina. Heilsustarvsfólkini skulu venja seg við skipanina og nýggju tøknina.

Tí kunnu fólk yvirhøvur vænta longur avgreiðslutíðir í viðtalunum hjá kommunulæknunum og á sjúkrahúsunum frá mánadegnum. Eisini kunnu bíðitíðirnar á apotekunum verða longri enn vant.

Er kopiera
Nýggjastu sendingar í ÚV
Nýggjastu sendingar í SV
Mikudag 23. juli
Dagur og vika - teknmálstulkað
194872
Týsdag 22. juli
Veðrið
194844