Amerikanski miðbankin ávarar um rentuhækking í mars

Amerikanski miðbankin, Federal Reserve, boðar frá, at hann heldur stýrisrentuni á null, men ávarar samstundis um, at hon skjótt fer at hækka.

- Við góðum tveimum prosentum í inflatión og sterkum arbeiðsmarknaði, vænta vit, at tað skjótt verður gagnligt at hækka stýrisrentuna, sigur amerikanski miðbankin í fráboðanini.

Rentuhækkingin kann koma longu í mars mánaði.

Nógv sveiggj

Fráboðanin frá miðbankanum kemur eftir fleiri fráboðanir um sveiggj á partabrævamarknaðunum. 

Íleggjarar hava stúrt fyri sveiggjum og óvissuni um, hvussu leingi politikkurin við lágari rentu heldur fram.

Stóra S&P-vísitalið, sum fevnir um 500 stórar amerikanskar fyritøkur, og gevur góða ábending um støðuna á amerikanska marknaðinum, lækkaði nærum 10 prosent í hesum mánðinum, áðrenn tað mentist nakað aftur í gjár, skrivar NTB.

Ávirkar ikki okkum

Sambært Maluni Johansen, landsbankastjóra, er tað ikki sannlíkt, at rentan í Føroyum fer at hækka á sama hátt sum tann amerikanska í næstum.

Rentan í Føroyum fylgir rentuni hjá EBC, sum er Evropeiski miðbankin.  

Malan Johansen

Malan Johansen er landsbankastjóri.