- Tíðindi, mentan og ítróttur
Eriksen vístur fram sum Brentford-spælari
Eriksen vístur fram sum Brentford-spælari
Í fjør summar fekk Christian Eriksen hjartaslag, meðan hann spældi fyri Danmark móti Finnlandi í EM-endaspælinum í Parkini. Í dag bleiv hann vístur fram sum Brentford-spælari
Christian Eriksen væntar, at tað ganga nakrar vikur, áðrenn hann verður at síggja á liðnum hjá Brentford
Mynd: Ritzau / Scanpix
11.02.2022 - 16:14
Øll tey, sum fylgdu við dystinum, minnast hendingina, tá danski fótbóltsleikarin Christian Eriksen brádliga small í svørðin í Parkini og helt uppat at liva.
Hetta hendi mitt undir fyrsta dystinum hjá Danmark í EM-endaspælinum, sum var móti Finnlandi í Parkini í Keypmannahavn.
Hjartað hjá Christiani Eriksen steðgaði júst sum hann skuldi taka ímóti bóltinum, sum var tveittur til hansara eftir eitt innkast.
Lukkutíð fyri donsku heimsstjørnum, so var hann kringsettur av árvaknum viðleikarum, ið lupu til at hjálpa, meðan læknaliðið hjá landsliðnum og Parkinum runnu inn á vøllin.
Fimm minuttir var Christian Eriksen kliniskt deyður, áðrenn hann raknaði við aftur.
Og í dag, bara eitt hálvt ár seinni, traðkaði hann so alment fram sum Brentford-leikari til frama fyri myndatólini.
Sjálvur óttast Christian Eriksen ikki at fara aftur á vøllin at spæla yrkisfótbólti, men hann væntar, at tað nokk ganga nakrar vikur, áðrenn hann verður at síggja á Premiere League-liðnum hjá Brentford.
Er kopiera
Nýggjastu sendingar í ÚV
Nýggjastu sendingar í SV
