Hesar byrja inni móti Gibraltar

Valborg Østerø byrjar í málinum, og í verjupartinum sleppur Julia Helena Dal Henriksen hesaferð at byrja á høgra bakki, meðan Birita Ryan, Rakul Maria Johannesen, Sarita Maria Mittfoss og Ásla Johannesen allar hava fingið afturval.

Kára Djurhuus mannar í dag føroyska miðvøllin saman við Sannu Svarvadal og Heidi Sevdal, meðan Julia Naomi Mortensen og Tóra Mohr byrja sum fremstu føroysku spælararnir.

Á føroyska bonkinum eru Monika Biskopstø, Maria á Lakjuni, Olga Kristina Hansen, Rúna Jacobsen, Mirjam Huneck og Lena Olsen.

– Vit kenna ikki so nógv til hetta mótstøðuliðið, men vit fyrireika okkum til ein dyst, har vit vónandi fara at vera meira á bóltinum, enn tá vit spæla móti teimum størru londunum. Tað verður spennandi hjá okkum at royna tað, og vit gleða okkum ótrúliga nógv til uppgávuna, sigur Olga Kristina Hansen, sum er millum royndastu leikararnar á føroyska liðnum, við FSF.fo

Dysturin millum Gibraltar og Føroyar byrjar kl. 12.30 føroyska tíð. Les meira um dystin og hvar hann kann stroymast á fsf.fo