BankNordik 272 mió. kr. í avlopi í fjør

BankNordik-samtakið hevði 272 mió. kr. í avlopi í fjør og rindaði 80 mió. kr. í skatti. 

Úrslitið fyri skatt var 340 mió. kr. 

Væntandi verður helvtin av ársúrslitinum, 136 mió. kr., goldin partaeigarunum í vinningsbýti. 

Okkurt um 6.000 føroyskir partaeigarar eru í BankNordik.

Útlánini vóru tey somu

Útlánini í fjør vóru 7,6 mia. kr., sum er tað sama sum í 2020.

Innlánini vuksu úr 7,8 mia. kr. í 2020 upp í 7,9 mia. kr. 

Solvensurin fór úr 26,4 prosentum í 2020 til 29,7 prosent í 2021.

BankNordik væntar, at nettoúrslitið í 2022 verður millum 130 og 160 mió. kr.