- Tíðindi, mentan og ítróttur
Spyr ríkisumboðið um politiið í Føroyum
Spyr ríkisumboðið um politiið í Føroyum
Djóni Nolsøe Joensen, løgtingsmaður, spyr, um politiið verður sjónligari í lokalumhvørvinum
Lene Moyell Johansen, ríkisumboð, hevur fingið ein skrivligan fyrispurning um politiið í Føroyum, men hon ger sjálv av, um hon svarar spurninginum.
Mynd: Bjarni Árting Rubeksen
01.04.2022 - 08:43
Ríkisumboðið, Lene Moyell Johansen, hevur fingið ein skrivligan spurning úr løgtinginum.
Djóni Nolsøe Joensen, løgtingsmaður, spyr um virksemið hjá politinum í Føroyum.
Hann sigur, at tá rættargangslógin kom í gildi 1.januar í fjør, broyttust nógv viðurskifti hjá politinum.
Áður høvdu løgtingsfólk innlit í arbeiðið hjá politinum, tí løgtingið hevði eina lokalnevnd. Løgtingið hevði eisini eftirlit við varðhaldsfangum.
Báðar nevndirnar vóru tiknar av, tá nýggja rættargangslógin kom.
Nýtt økisráð
Men lógin sigur, at eitt politiøkisráð við umboðum fyri politiið, kommunurnar og landsstýrið skal setast.
Djóni Nolsøe Joensen spyr, um hetta ráðið er sett.
Í Føroyum er politiið bara í størstu býunum. Aðrastaðni síggja tey næstan eisini til politiið.
Djóni Nolsøe Joensen spyr ríkisumboðið, um hetta verður broytt, um politiið verður sjónligari í lokalumhvørvinum.
Ríkisumboðið ger sjálvt av, um fyrispurningar frá løgtinginum verða svaraðir.
Djóni Nolsøe Joensen, løgtingsmaður, vil m.a. hava at vita frá ríkisumboðnum, um politiið nú verður sjónligari í nærumhvørvinum. (Mynd: Bjarni Árting Rubeksen)
Er kopiera
Nýggjastu sendingar í ÚV
Nýggjastu sendingar í SV
