Umfatandi herverk í Hvalvík

19.04.2022 - 18:29
AktueltSamfelag
Umfatandi herverk í Hvalvík
Løgreglan kannar eitt mál um umfatandi herverk, sum er framt inni í og uttan fyri ein virkisbygning á kaiøkinum í Hvalvík
 

Fólk frá kanningardeildini hjá løgregluni hava verið í Hvalvík í dag og gjørt ymiskar kanningar í økinum. Hildur Hentze, vaktleiðari, sigur, at gerningsmenninir hava brotið inn í bygningin, og hava við einum trukki brotið eina stóra garaguhurð og hava koyrt gjøgnum hana fleiri ferðir - hurðin fekk stóran skaða. 

Við trukkinum hava teir eisini rent á ein bil við lyftu, sum stóð inni í bygninginum, og hann hevur eisini fingið stóran skaða. Leidningar til fleiri maskinur eru kvettir av, og fleiri loftslampur í høllini eru knústar. 

Gerningsmenninir hava eisini roynt at skumpa ein bil út á sjógv. Teir hava eftir øllum at døma loyst hondbremsuna og so skumpað. Men 50 metrar frá kaikantinum skorðaði ein av bilhurðunum seg fasta í ein tanga á kaiini, og tí fór bilurin ikki á sjógv. Hesin tangin flutti seg so mikið nógv, at hann tók í ein bát, sum stóð upp á kaiini. Báturin fekk eisini skaða. 

Herverkið varð fráboðað í morgun, og tað er framt í tíðarskeiðnum millum kl. 8 í gjárkvøldið til kl. 7 í morgun. Løgreglan vil fegin frætta frá fólki, sum halda seg vita nakað í sambandi við herverkið, og fólk, sum møguliga hava videoupptøkur frá økinum hetta tíðarskeiðið.
 

Er kopiera
Nýggjastu sendingar í ÚV
Mánadag 25. september
Við Tórði á túri á oynni Egholm
163270
Mánadag 25. september
Norðurljóð 25.september 2023
163308
Mánadag 25. september
Einki eitur voksin ella voksið
163281
Mánadag 25. september
Biit 22. sept. 2023
163279
Nýggjastu sendingar í SV
Mánadag 25. september
Møti úr Vitninum í Hvalba
163262
Sunnudag 24. september
Andakt við Ellindi Abrahamsen
163261
Fríggjadag 22. september
Veðrið
163197
Hósdag 21. september
Vit eru enn til
163137
Hósdag 21. september
Fagnaðarløta fyri Martini Joensen
162865