Niðurstøðan hjá donsku skaðanevndini er nóg mikið fyri tryggingarfelagið

20.04.2022 - 11:34
Aktuelt112
Niðurstøðan hjá donsku skaðanevndini er nóg mikið fyri tryggingarfelagið
Betri Trygging krevur onga sjófrágreiðing í sambandi við, at Eysturbúgvin sakk, tí niðurstøðan í frágreiðingini, ið danska skaðanevndin fer at koma við, er nóg mikið
Niðurstøðan í frágreiðingini, ið danska skaðanevndin kemur við, er nóg mikið, tí er ikki neyðugt við sjóforhoyri um, hví Eysturbúgvin sakk
Mynd: savnsmynd  
 

Í Degi og Viku í gjárkvøldið kom fram, at eingin av pørtunum hava biðið um sjófrágreiðing, eftir at Eysturbúgvin sakk skírisdag suður móti bretska markinum, har teir vóru á gulllaksaveiðu og partrolaðu saman við Vesturbúgvanum.

Hetta hendi eftir ein samanstoyt millum skipini bæði.

Sambært Virgari Dahl, ið er sjókundastjóri í Betri Trygging, sum hevur tryggjað Eysturbúgvan, krevur tryggingarfelagið ikki sjófrágreiðing, sum fyrr var vanligt at gera í sambandi við skaðatilburðir á sjónum. 

Fyri tryggingarfelagið er nóg mikið við niðurstøðuni í frágreiðingini, ið danska skaðanevndin fer at koma við. Skaðanevndin kom til Føroya sama kvøld, sum tilburðurin hendi um fimm tíðina um morgunin, at kanna málið um orsøkina til tilburðin.

Tað var Sjóvinnustýrið, sum bað donsku skaðanevndina koma til Føroya at kanna hendingina, og tað tekur vanliga nakrar vikur, til ein slík frágreiðing er liðug.

Sí hvussu tað sá út á AIS-skipanini hjá Vikmar, tá Eysturbúgvin og Vesturbúgvin stoyttu saman, og Eysturbúgvin sakk. 

 


 

Er kopiera
Nýggjastu sendingar í ÚV
Týsdag 5. juli
Pápi mín og eg: Vanja og Victor
141841
Týsdag 5. juli
Summarmorgun 050722
141840
Týsdag 5. juli
Morgunlestur týsdagur 5. juli 2022
141653
Mánadag 4. juli
Summarmorgun 040722
141790
Nýggjastu sendingar í SV
Mánadag 4. juli
3-2
141831
Fríggjadag 1. juli
Jól í tónleikinum
141718
Mánadag 27. juni
Úr savninum: Urtagarðurin 10:10
141574
Mánadag 27. juni
3-2
141573