- Tíðindi, mentan og ítróttur
Úr kloakkini í Havn til Føroya fólk: RSP
Úr kloakkini í Havn til Føroya fólk: RSP
SEMENT22: Finalan í tónleikakappingini Sement fekk eina flúgvandi byrjan við undirgrunds-hipphopparunum RSP úr Havn, sum fekk Reinsaríið at kóka við gravskitnum rappi
RSP sparkaði av álvara Sement-finaluna ígongd við einari rimmar framførslu
Mynd: Bjarni Árting Rubeksen
30.04.2022 - 20:35
RSP hevur livað eitt friðarligt lív í tónlistarligu undirgrundini - ja,kolakkini - undir Havnini inntil Sement í ár.
Nú er lokið farið oman av, og upp úr yvirdekkaða partinum av Havnará er boblaður gravskitið rapp um ball, damur og rúsevni.
"Um tit ikki hava roynt tað, so burdu tit," spurdi Heini Ronnason, áðrenn RSP byrjaði sangin "MDMA".
Tað var líka við at takið fór oman av Reinsarínum, tá RSP framførdi sangir sum "DRØX" og "Fresh", ið higartil bara hava búð á Soundcloud.
"Vit eru bara babyrokkara, vita ikki hvat klokkan er," søgdu teir, tá teir gjørdu samrøðu við bitt-toymið eftir framførsluna.
Er kopiera
Nýggjastu sendingar í ÚV
Nýggjastu sendingar í SV
