Fer at kosta 4.000 milliardir at byggja Ukraina uppaftur

Ukrainski forsetin, Zelenskyj, hevur stovnað ein grunn, sum hann nevnir "United24".

Endamálið við grunninum er at savna pengar til at byggja Ukraina uppaftur. Forsetin sigur, at ein meting vísir, at tað fer at kosta minst 4.000 milliardir at byggja tað aftur, sum russar hava bumbað í sor.

Nógv lond hava higartil játtað 46 milliardir kr. til arbeiðið at byggja Ukraina uppaftur.

Roknað verður við, at ES kanska longu í dag fer at samtykkja at seta sætta pakkan við revsitiltøkum í verk ímóti Ruslandi.

Nøkur lond, m.a. Ungarn og Slovakia, hava verið í iva, tí londini keypa nógva olju og gass úr Russlandi. Men roknað verður við, at við serligum undantøkum fer at bera til at samtykkja pakkan við revsitiltøkum í dag, skriva altjóða miðlar.

Volodymyr Zelenskyj, Ukraina - Mynd: Ritzau Scanpix