Nógv meira má játtast til at halda landsvegir viðlíka

Eftirsleipið er 375 mió. kr., og Landsverk mælir til at brúka 50 mió. kr. um árið næstu árini

Uni Rasmussen, landsstýrismaður, vil hava meiri pening til viðlíkahald av landsvegakervinum, men hann veit ikki, um tað ber til at útvega meiri pening.

Mynd: Bjarni Árting Rubeksen

Jón Brian Hvidtfeldt

06.05.2022 - 18:33

Játtanin til viðlíkahald av landsvegakervinum er alt ov lítil.

Landsverk mælir til at játta 25 milliónir afturat til viðlíkahald í 2023, og síðani 50 milliónir afturat um árið næstu árini.

Uni Rasmussen, landsstýrismaður upplýsir, at landskassin síðstu trý árini hevur fingið í meðal 140 milliónir krónur inn í vegskatti um árið.

47 mió. kr. til viðlíkahald

Men í meðal eru 47 milliónir brúktar til viðlíkahald um árið síðstu trý árini. Tá eru smáar 15 milliónir til vetrarhald íroknaðar.

Eftirsleipið er 375 milliónir, staðfestir landsstýrismaðurin, sum vísir til samferðsluætlanina hjá Landsverki fyri tíðarskeiðið 2018 til 2030.

Landsstýrismaðurin í fíggjarmálum, ásannar, at játtanin er ov lítil. Men enn veit Uni Rasmussen ikki, um til ber at útvega fleiri pengar til viðlíkahald.

Hoyr innslag í útvarpstíðindunum her:

1526018