Maður sligin og bitin

Tað var uttanfyri eitt stað, sum selir pizza í Havn, at illstøða kom í, og ein maður varð sligin og helst bitin eisini.

Ein maður er tikin, men hann var drukkin, og verður ikki avhoyrdur fyrr enn hann er klárnaður so mikið, at hann kann avhoyrast, sigur vakthavandi.

Onnur fólk skulu eisini spyrjast um hendingina, sigur hann.

Ikki álvarsligt mein

Løgreglan heldur ikki at talan er um álvarsligt mein, sum tann skaddi hevur fingið.

Tað hendir ofta at illstøður eru, tá skeinkistøðini lata aftur, og fólk trunkast saman í býnum.

Løgreglan var í býnum í nátt, og tað hjálpir altíð uppá støðuna, sigur vakthavandi á politistøðini.