Eurovisjón-steypið selt fyri at fíggja dronur til ukrainska herin

bannari
30.05.2022 - 10:09
AktueltÚtheimurin
Eurovisjón-steypið selt fyri at fíggja dronur til ukrainska herin
Kalush Orchestra, ið vann Eurovisjón-sangkappingina í ár, hevur selt steypið, bólkurin fekk, fyri seks milliónir krónur. Peningurin skal brúkast til at fíggja kríggið
Kalush Orchestra eftir sigurin í Eurovisjón-sangkappingini í ár
Mynd: Ritzau / Scanpix  
 

Herfyri vann ukrainski tónleikabólkurin Kalush Orchestra Eurovisjón-sangkappingin, sum í ár varð hildin í Italia, við sanginum "Stefania". 

Nú hevur bólkurin slet vinnarasteypið í eini roynd at hjálpa Ukraina við at fíggja kríggið móti Russlandi, sum hevur gjørt innrás í Ukraina, skrivar BBC á heimasíðuni. 

Krystall-mikrofinin, sum bólkurin fekk fyri sigurin í kendu sangkappingini, varð seld á uppboðið á Facebook fyri 900.000 dollarar við tí fyri eyga, at keypa dronur til ukrainska herin. 

 

Kríggið má ongantíð blíva ein vani

Sølan sampakkaði við, at bólkurin upptraðkaði á eini konsert, sum bleiv hildin við Brandenburg portrið í Berlin, har endamálið var at savna pening til til heilsuverkið í Ukraina. 

Oleh Psiku, ið er ein av limunum í Kalush Orchestra, segði í sambandi við konsertina, at tað var umráðandi, at fólk ikki venja seg við kríggið í Ukraina, sum higartil hevur kostað 4.000 sivilum lívið, og sum hevur gjørt, at 14 milliónir ukrainar hava verið noydd at flýggja úr heimlandinum. 

"Eg haldi, at kríggið skal vera forsíðutíðindi, og á øllum tíðindabreddum, inntil friður aftur valdar í Ukraina," segði Psiuk. Sangurin "Stefania" var skrivaður fyri at heiðra mammu Psiku. 

Ukrainski sjónvarpsverturin Serhiy Prytula segði, at peningurin frá søluni av Eurovisjón-steypinum skuldi brúkast til at keypa tríggjar ukrainskar PD-2 dronur. 

Dronur verða nógv brúktar av bæði ukrainska og russiaka herinum, bæði sum vápn og sum eftirlitisflogfør. 

 

Er kopiera
Nýggjastu sendingar í ÚV
Mánadag 5. juni
Einbúgvin av Viðareiði (1:2)
133159
Mánadag 5. juni
Norðurljóð 5.juni 2023
157953
Mánadag 5. juni
Danismur í Málteiginum
157934
Mánadag 5. juni
Góðan morgun Føroyar 05.06.2023
157933
Nýggjastu sendingar í SV
Sunnudag 4. juni
Møti úr Oasuni í Hoyvík
157918
Sunnudag 4. juni
Andakt við Unn Justinussen
157917
Sunnudag 4. juni
Úr savninum: Urtagarðurin 6:6
157715
Sunnudag 4. juni
Úr savninum: Summarsál 1:6
157905
Leygardag 3. juni
Video: 5mf kvinnur, Norðoyastevna
157898