Grønlendski landsstýrisformaðurin fær altjóða viðurkenning

Grønlendski landsstýrisformaðurin, Múte B. Egede, er nú á veg til Washington at taka ímóti viðurkendum heiðursskjali.

Tankasmiðjan, Wilson Center, í Washington letur honum heiður fyri leiðaraevni og stríð fyri at betra heimin.

Í grundgevingini stendur, at sum leiðari tekur Múte B. Egede støði í umhvørvisligum rættvísi, og við breiðum samstarvi kring allan heim vil hann menna Grønland búskaparliga, politiskt og sosialt.

Heiðursskjalið verður latið merkisverdum leiðarum í vinnulívi, gransking, mentan og politikki, sum eru við til at betra livikorini í heiminum.

Stovnað í 1968

Fyrr hava millum annað Henry Kissinger, Hillary Clinton, Colin Powell og Condoleezza Rize fingið somu viðurkenning.

Amerikanska kongressin stovnaði tankasmiðjuna, Wilson Center, í 1968 til minnis um forsetan, Woodrow Wilson.

Wilson Center er ópolitiskt, og hevur fingið altjóða viðurkenning sum ein av bestu tankasmiðjum í heiminum.