- Tíðindi, mentan og ítróttur
IMO: Ólógligt at krevja gjald fyri at sigla í Hormuzsundinum
IMO: Ólógligt at krevja gjald fyri at sigla í Hormuzsundinum
Trump, forseti, hevur sagt, at USA fer at taka ræðið á sundinum og krevja 20 prosent gjald fyri at sigla har
Tað stríðir ímóti altjóða lóg at krevja gjald fyri at sigla í Hormuzsundinum, sigur altjóða sjóvinnufelagsskapurin, IMO.
Mynd: Ritzau / Scanpix
14.07.2026 - 09:27
Tekur USA ræðið á Hormuzsundinum og fer at krevja avgjøld, er tað í stríð við altjóða lóg, sigur altjóða sjóvinnufelagsskapurin, IMO.
Felagsskapurin bíðar eftir meiri kunning, eftir at amerikanski forsetin, Donald Trump, segði, at landið fór at taka ræðið á sundinum og krevja 20 prosent gjald fyri at sigla ígjøgnum tað. Tað sigur ein talsmaður við tíðindastovuna Reuters.
- Vit hava altíð verið avgjørd í okkara støðu um gjøld. IMO er greitt ímóti at krevja gjøld fyri ferðslu gjøgnum øki, sum verða nýtt til altjóða skipaferðslu. Tað er einki lógargrundarlag fyri at seta í gildi føst gjøld, bara fyri at fara ígjøgnum eitt sund, sigur talsmaðurin.
Er kopiera
Nýggjastu sendingar í ÚV
Nýggjastu sendingar í SV
