Svøríki og Finnland formliga boðin við í NATO

Svøríki og Finnland formliga boðin við í NATO
Á tíðindafundi í Madrid boðaði Jens Stoltenberg, aðalskrivari í NATO, frá, at Svøríki og Finnland formliga eru boðin við í verjusamgonguna
Jens Stoltenberg, aðalskrivari í NATO, á NATO-toppfundi í Madrid
Mynd: Ritzau Scanpix  
 
29.06.2022 - 14:59

NATO hevur í dag formliga boðið Finnlandi og Svøríki at gerast partur av verjusamgonguni. Sostatt er upptøkan byrjað.

Tað segði aðalskrivarin í NATO, Jens Stoltenberg, á tíðindafundi í Madrid, har toppfundurin er, fyri lítlari løtu síðani.

- NATO-leiðarar hava í dag tikið søguligu avgerðina at bjóða Finnlandi og Svøríki limaskap í NATO, sigur Jens Stoltenberg.

Avgerðin, um at bjóða londunum limaskap, kemur dagin eftir, at Turkaland gekk við til at strika sýtingarrætin móti londunum.

- Hetta er ein góð avtala fyri Turkaland. Hetta er ein góð avtala fyri Finnland og Svøríki. Og hetta er ein góð avtala fyri NATO, sigur Jens Stoltenberg.

Ongantíð áður er tað eydnast at innlima lond í NATO so skjótt, sum hesaferð. Tey bæði londini bóðu um limaskap í mai, og longu nú er fyrsta stigið tikið.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585